Tabıǵı jáne tehnogendik apat saldarynan elimizdiń 12 óńiri sý tasqynynyń zardabyn tartyp otyr. Sý astynda qalǵan qalalar men aýdan, aýyldarda ınfraqurylym buzylyp, qatynastyń joly kesilip jatyr. О́zgeniń qaıǵysy bolmaıdy, bul ortaq másele. Osynaý qıyn sátte uıymshyldyq tanytyp, úreı qushaǵyndaǵy halyqqa rýhanı jáne materıaldyq turǵyda kómek qolyn sozyp, olardyń aýyr qaıǵylaryna ortaqtasý - bizdiń azamattyq boryshymyz. Bul – rýhy myqty halyqtyń qolynan keletin esti sharýa.
Dúnıedegi eń baqytty adam – taǵdyryna shúkirshilik etken adam. Halqymyz budan qıyn kezderdi de bastan keshirgen. Muraty bıik ultymyz qandaı qıynshylyqtar bolmasyn, olardyń bárin bir-birine arqa súıep jeńe bilgen. Sol arqyly halqymyz birtutas berik ult ekenin ózgelerge moıyndata bilgen.
Qazaq uǵymynda «tórt qubylań teń bolsyn» degen bataly sóz bar. Qubyla – álemniń tórt aspany – batysy men shyǵysy, ońtústigi men soltústigi. Bizdiń osy tórt qubylamyzdyń berik bolýynda halqymyzdyń kez kelgen qıyndyqqa shydamdylyq tanytyp, uıymshyldyqpen shyǵa bilýin kórsetedi.
Qazir túrli uıymdar men qorlar, sondaı-aq jekelegen kompanııalar tasqynnan zardap shekken aǵaıyndarǵa qoldaý bildirip jatyr. Osy qatardan ǵylym ortasy men jekelegen oqý oryndary ujymdaryn kóre almaı otyrmyz. Basyna is túskende egilip-tógilgennen góri, jıylyp-terilgen adam synaqtan synbaı ótedi.
Biz, Qanysh Sátbaev atyndaǵy Qazaq ulttyq tehnıkalyq zertteý ýnıversıteti, Metallýrgııa jáne ken baıytý ınstıtýtynyń ujymy zardap shekken aımaqtarǵa bir kúndik jalaqymyzdy aýdarýǵa uıǵarym jasap otyrmyz. Eger elimizdiń ǵalymdary bir kúndik jalaqylaryn aýdarsa, orasan qarjy jınalar edi. Bul aqshaǵa úılerinen aırylyp qalǵan otbasylarǵa jańa baspana salyp berýge bolar edi. Jalqynyń baqyty – jalpynyń baqytymen jalǵanǵanda ǵana ómirimiz baıandy bolmaq.
Tirshiliktiń tynysy jelmen keledi, jelmen ketedi. Amal dostyń tórinen, adal dostyń bosaǵasy qadirli degende osyny aıtsa kerek. Tarıh bizge taǵylym úshin qajet. Nesi bolǵanynan góri, nesi qalǵany mańyzdy. Jaqsy tileý tileseń, ishinde óziń de barsyń, jaman tileý tileseń, qorlyqta qalǵan jansyń. Elimizdiń barlyq ǵalymdary men ǵylymı-zertteý ınstıtýttaryn osy bastamaǵa qoldaý bildirlerýin suraımyn.
B. KENJALIEV,
Metallýrgııa ken baıytý ınstıtýtynyń Bas dırektory,
QR Memlekettik syılyǵynyń laýreaty,
tehnıka ǵylymynyń doktory, professor